Lesisita Pikoni (Beacon/EPIRB)

14th Sanuali, 2025

Óku fanongonongo atu heni mei he Tafaáki Fetuútaki óku fakamalumalu he Potungaue MEIDECC, ke meaí he kau folau tahi mo e fonua kotoa fekau’aki mo hono lesisita e me’a ngaue koeni ko e PIKONI (EPIRB). Ko e me’a ngaue koeni ‘oku ‘aonga lahi ‘aupito he taimi ‘oku hoko ai ha fakatamaki I tahi.

Ko e ha ‘a e PIKONI (Beacon/EPIRB)?

Ko e Pikoni ko e me’a ngaue faka’uhila ʻa ia ‘oku ne tala e feitu’u ‘oku fakamo’ui mai mei ai pea ‘oku ngaue’aki eni he kau folau tahi he taimi ‘oku hoko ai ha fakatamaki ‘I tahi.

Lelei ngaueáki 'a e PIKONI

1. Vave mo faingofua ngaue he taimi ‘oku hoko ai ha fakatamaki ‘I tahi
2. Tala e feitu’u ‘oku hoko ai e fakatamaki ‘I tahi.

Angafefe ‘ene ngaue

1. Fakamo’ui – Fakamo’ui e pikoni (‘i ai pikoni ‘oku fakamo’ui pe ‘iate ia pe)
2. ‘Ave Fakatokanga – ‘Ave fakatokanga fiema’u fakavavevave ‘o ma’u ia he satelaite 'i he ‘ataaa pea toki ‘ave leva he satelaite e fakatokanga kihe tafa’aki ‘oku nau tokanga’i e fakahaofi mo’ui ‘I tahi ‘a ia ko e Vaá fakahaofi mo’ui ‘a Nuúsila (RCCNZ) ‘oku nau tokanga’i mai e potu tahi ‘a Tonga.
3. Tokoni fakavavevave – Ko hono ma’u pe ‘a e fakamatala mo e fakatokanga he kau fakahaofi mo’ui á Nuúsila (RCCNZ) pea nau fetuútaki mai leva ki Tonga ni, Á ia ‘oku fengaue’aki heni ‘a e Potungaue Polisi á Tonga pea mo e MEIDECC ki hono fakapapauí á e tokotaha óku óóna e vaka mo e ngaahi fakamatala fekau’aki mo e vaka.

Founga hono Lesisita.

Ko ho’o lava mai pe mo e pikoni (EPIRB) kihe office e MEIDECC kihe tafa’aki Fetuútaki o lesisita. Ko e ngaahi fakamatala eni óku fiemaú:

• Fika HEX e pikoni,
• Kalasi ó e pikoni,
• Hingoa ó e tokotaha haá na e pikoni (kataki ómai e ID)
• Hingoa ó e vaka é ngaueáki kiai e pikoni.

Óku ‘oatu heni a e kole kihe kakai ‘o e fonua pe kiha taha pe óku ‘I ai ha pikoni (EPIRB) ‘oku ke ‘iloi ‘oku te’eki ke lesisita , pea mou kataki mai kiheémau ofisi ke lesisita pe fetuútaki mai kihe fika mo e ímeili í lalo:

Stan Ahio,

Talekita Leóleó moe Pule Énisinia,

‘Imeili: This email address is being protected from spambots. You need JavaScript enabled to view it. ,

Fika telefoni ‘ofisi: +676 20131

Fakaápaápa atu,

Sione Pulotu Ákauóla

Pule Lahi (CEO and Regulator)

Potungaue MEIDECC